獨居、同居不如共居！

人大了想搬出來住，考慮獨居但又怕生活落悶；想同姊妹或男友同居，對方未必有同樣想法。既然獨居和同居都不太可行，不如考慮「共居」？共居，指與陌生人共同居住，但依然有屬於自己的小天地，且租金平啲又有機會識異性，最重要係滿足你獨立生活的需求！

共居好處1 ：學會斷捨離！

共居空間雖大，屬於自己的私人空間卻小，分分鐘只有一個床位，或一個書桌、衣櫃。選擇共居，就要學會斷捨離，只將日活必需品帶在身邊，也要捨棄不少衣服、擺設。從斷捨離中，也會令你學懂節儉美德，漸漸你會發現，家裡根本不需要太多無謂用品。

共居好處2 ：同樣有私人空間！

香港嘅共居選擇愈來愈多，經濟能力稍高的可以租住單人房，就算想同伴侶或閨蜜一齊住亦可揀雙人房，一齊同居加共居亦得。

共居好處3 ：月光族最愛！

租樓一般都要簽生死約，至少綁你一年，仲要交按金，如果遇著鄰居係麻煩友，或者你有突發事要搬走，按金真係凍過水。共居彈性較大，有啲可以逐日計，有啲簽三個月約，費用已包冷氣、wifi、管理費及公共空間費用，一口價更抵住，啱晒月光族！

共居好處4：擴闊朋友圈！

人大了愈難交知心好友，職場上同事是競爭對手，出去吃喝玩樂的是酒肉朋友。共居跟租樓不同，你會跟一班五湖四海的朋友共同生活，圈子、成長背景、年齡都不一樣，大家選擇共居模式意味大家都喜歡交流，也面對同一問題：獨立、生活。有了共同話題，你們更快熟稔，不但在生活上可互相幫助，也有機會在工作上提供意見，擴闊人脈，甚至遇上啱傾對象談戀愛。

共居好處5：招呼朋友更方便！

今時今日喺香港租樓，萬零蚊只得三四百呎，單位狹小，想請朋友上嚟食飯都未必得。共居空間有common area和pantry，形式跟大學宿舍無異，雖不至於能開party或打麻將，但要舒服招呼朋友絕對唔成問題。

原文來源：獨居、同居不如共居！單身女共居有乜好？